Saturday, April 24, 2010

නිබ්බුත

නෙත් කෙවෙනි කකියා
එන විට කඳුල නලියා
උන් නමුත් තෙරපා
නොපෙනෙන අයුරු පි‍ටුපා

ඔබ පා වඳින සඳ
නෙත වූ කඳුළු දු‍ටුවෙන
මා නොවේ ඔබ ගැන
ඇවිලු ගින්දර තවත් දැල්වෙත

උපන් ගෙයි දඟකම්
හිතුමතේ කළ දඩබ්බරකම්
හැරුණු විට කිසියම්
නැත කළ වරද වෙනයම්

සිත ඔබෙ පහන් කොට
නිබ්බුත පද කියන්නට
වරම් නොලැබෙන්නට
සිදුවුනේ ඇයිදැයි කියන් මට

කොතෙක් දේ කීවත්
කළත් නොමවේ සැනසුමක් නම්
මතු අත් බවේ වත්
මව්නි ඔබගෙ සිත නිවන්නම්..

7 comments:

  1. ලස්සනයි අක්කේ පද පෙල..... මව් ගුණ ගැන හරි අපූරුවට ලියවිලා....

    ReplyDelete
  2. ඇගැයුමට තුති... නැවත හමුවෙමු

    ReplyDelete
  3. නෙතු ,
    කලින් කවියයි මේ කවියයි එකතු කළාම එන උත්තරේ ගැන මට හිතෙන දේ ඇත්තක් ද?

    ReplyDelete
  4. සමාවෙන්න , කලින් ලියූ දෙයට පිළිතුරක් මෙහි මා බලාපොරොත්තු වෙන්නෑ... ඔබේ ලිවීමේ ශෛලිය ඇත්තටම මා ඇද බැඳ තබනවා..

    ReplyDelete
  5. යෝගී, උත්තර මාත් තාම හොයනවා. ඒක නිසා ඒ ගැන මුකුත් කියන්න බැහැ. මේ දේවල් ඇගයීම මට ලොකු සතුටක්

    ReplyDelete
  6. කවිය උල්පතක් වුනි
    කැටයක් රූරා වැටුනි

    පද පෙල අපූරුයි.

    තිස්ස සොයුරාට මෙදිනවල වැඩ අධිකයි වගේ...
    ඔබ ඉල්ලූ තිබූ "මිදි අඹුලයි කියලා" ගිතය මා දැන් upload කලා මෙතැනින් download කරගන්න පුලුවනි.
    http://www.mediafire.com/?n3dvigwymuh

    ReplyDelete
  7. ගල්මල්-Coral,
    ආයුබෝවන්...
    ස්තූතියි ලින්ක් එකට, දැන්ම ගිහින් අහන්නම්... මගෙ කවි පෙළටම වඩා ඔබේ පද දෙක අගේය.. මා මුළු කවි පෙලින්ම කීමට තතන දෙය ඔබ කැටි කොට කීවා සේය...

    ReplyDelete