Saturday, September 10, 2011

වසන්තයේ අග

බඹරුනට මඟ හැරුණු
පෙති හැළුන කුසුමකට
ඇල් මැරුණු පින්නෙ
සිහිලස කුමට...

හිරු තැවුල ගිනි ලෑව
මල් රේණු පිස නැගුණ
මඳ පවනෙ තවත්
සුවඳක් කොහිද...

හාදු අමතකව ගිය
ශේෂ වූ මල් පෙත්ත
පාට කිමදැයි
කුමට විමසම්ද...

උදා වන සරත් කල
ලං වෙද්දි
නිමා වෙන වසන්තය
මෙය නොවෙද...

3 comments:

  1. වසන්තය ගෙවී ඇත
    තවත් සෘතුවක් පැමින ඇත.
    තව මාස ගනනකින්
    උදා වේ යලි වසන්තය..

    ReplyDelete
  2. සිසිල උණුසුම අතර බන්දා
    ලොව සම සතර රන්ඳා
    ලොව නිති වෙනස පහදා
    කඳුළු නිති නොව සැමදා

    ReplyDelete
  3. හාදු අමතකව ගිය..
    වසන්තය මෙයම වෙත...

    ReplyDelete